Як паведамілі ў прэс-службе ўрада, на пасяджэнні дэталёва разгледжаны ход выканання ў кожным рэгіёне краіны даручэнняў па навядзенні парадку і ўстараненні выяўленых парушэнняў у дзейнасці арганізацый аховы здароўя. Заслуханы даклады намеснікаў старшынь аблвыканкамаў, Мінскага гарвыканкама, а таксама замацаваных за адпаведнымі рэгіёнамі намеснікаў міністра аховы здароўя. Дадзена ацэнка дастатковасці мер, што прымаюцца.

Асаблівая ўвага ўдзелена прывядзенню ў належны стан устаноў аховы здароўя, якія аказваюць медыцынскую дапамогу насельніцтву, якое пражывае ў сельскай мясцовасці, ФАПаў, амбулаторый урача агульнай практыкі.

Абмеркавана пытанне аб рабоце па эндапратэзаванні буйных суставаў, у тым ліку арганізацыя іх паставак у неабходных аб'ёмах у рэгіёны. Адзначана, што для выканання пастаўленай перад галіной задачы неабходна максімальна поўна задзейнічаць усе магчымасці і рэзервы, якія тут ёсць.

Намеснікам прэм'ер-міністра звернута ўвага на неабходнасць аб'ектыўнай і прынцыповай ацэнкі прафесіяналізму і адказнасці кіраўнікоў (ад ФАПа да РНПЦ, а таксама абласных упраўленняў аховы здароўя), даручана забяспечыць эфектыўную работу на вынік.