Кіраўнік дзяржавы нагадаў, што гісторыя ўніверсітэта пачалася ў 1921 годзе з адкрыцця медыцынскага факультэта БДУ. «Дзякуючы прафесійным і творчым намаганням многіх пакаленняў прафесарска-выкладчыцкага калектыву сёння БДМУ з'яўляецца унікальным цэнтрам адукацыі і навукі, медыцынскай і фармацэўтычнай практыкі сусветнага ўзроўню, у якім прэстыжна вучыцца і працаваць», – падкрэсліў Аляксандр Лукашэнка.

Прэзідэнт адзначыў, што дзясяткі тысяч дыпламаваных урачоў, спецыялістаў і кваліфікаваных вучоных, падрыхтаваных у сценах універсітэта, прысвяцілі сябе высакароднай місіі выратавання жыццяў і захавання здароўя нацыі.

«Няхай ваша вернасць вялікаму прызначэнню і клятве ўрача, вынікі практычнай дзейнасці дораць кожнаму пацыенту ўпэўненасць у сваёй абароненасці, натхняюць новыя пакаленні беларусаў на выбар адной з самых адказных і патрэбных людзям прафесій», – гаворыцца ў віншаванні.

Беларускі лідэр пажадаў згуртаванаму калектыву, ветэранам і студэнтам БДМУ моцнага здароўя, цярпення і сіл, новых поспехаў і дабрабыту.

Прэсс-служба Міністэрства аховы здароўя