Як сказаў міністр аховы здароўя Дзмітрый Піневіч, «я вельмі б хацеў, каб гэтая хатняя абстаноўка, утульнасць суправаджалі нашу сям'ю вялікіх рэспубліканскіх устаноў не толькі сёння вечарам, не толькі заўтра і паслязаўтра, калі будзем святкаваць сваё прафесійнае свята, а кожны дзень. Добра б мы перадалі адзін аднаму гэтае цяпло, падзяку і пачуццё калегіяльнасці».

Ён падзякаваў кожнаму медыцынскаму работніку за прафесіяналізм, чалавечнасць. «За тое, што ў гэтыя нялёгкія часы застаемся разам», – сказаў ён. «Мне б хацелася сказаць усім і кожнаму – кіраўнікам, супрацоўнікам – вялікі дзякуй. Са святам усіх разам і кожнага паасобку», – павіншаваў міністр.

Павіншаваў медыцынскіх работнікаў і старшыня Беларускага прафсаюза работнікаў аховы здароўя Вячаслаў Шылу. «Мы далей працягнем працаваць разам па згуртаванні калектываў. Мы заўсёды побач, заўсёды падтрымаем вас у цяжкую хвіліну», – сказаў ён.

Урачыстая цырымонія і святочны канцэрт прайшлі ў Рэспубліканскім Палацы культуры прафсаюзаў. Прадстаўнікі РНПЦ і рэспубліканскіх устаноў аховы здароўя былі ўзнагароджаны нагруднымі знакамі Міністэрства аховы здароўя і Беларускага прафсаюза работнікаў аховы здароўя, а таксама ганаровымі граматамі.

Прэс-служба Міністэрства аховы здароўя