А затым адбылася рабочая нарада, на якой начальніку ўпраўлення аховы здароўя Гомельскай вобласці Мікалаю Кудзеньчуку і галоўнаму ўрачу бальніцы Вользе Лях было даручана прапрацаваць пытанне замены ангіёграфа. Таксама была абмеркавана магчымасць закупкі ў 2022 годзе для кардыяцэнтра УГД-апарата «эксперт-класа» і двух апаратаў штучнага кровазвароту, а ў 2023 годзе – магнітна-рэзананснага кампутара.

Зараз у Гомелі праводзяцца будаўніча-мантажныя работы ў новым корпусе бальніцы хуткай медыцынскай дапамогі. Дзмітрый Піневіч азнаёміўся з ходам будаўніцтва аб'екта. Плануецца, што тут да верасня 2022 года будуць адкрыты – новы чатырохпавярховы корпус, кіслародны пункт з пляцоўкай для газіфікатараў умяшчальнасцю 16 тон і г.д. Медыцынскае аснашчэнне будынка плануецца правесці за кошт сродкаў мясцовага бюджэту і рэсурсаў Міністэрства аховы здароўя.

Таксама падчас свайго працоўнага візіту, міністр аховы здароўя правеў планёрку на яшчэ адным аб'екце, які будуецца – бальніцу №2. Тут вядуцца будаўніча-мантажныя работы ў корпусе пад устаноўку камп'ютарнага тамографа. Яго плануецца запусціць да Новага года.

Прэс-служба Міністэрства аховы здароўя