У трэці дзень кастрычніка адбыўся аб'яднаны Савет універсітэта, на якім прысутнічалі – першы намеснік міністра аховы здароўя Беларусі, кандыдат медыцынскіх навук, дацэнт Алена Краткова і начальнік галоўнага ўпраўлення арганізацыйна-кадравай работы і прафесійнай адукацыі Міністэрства аховы здароўя Вольга Калюпанава.

Пасля выступлення рэктара Белдзяржмедуніверсітэта, які падрабязна спыніўся на дзейнасці ўстановы адукацыі ў новым фармаце, слова было дадзена Алене Кратковай. Яна адзначыла, што перад вядучай медыцынскай установай вышэйшай адукацыі зараз стаяць важныя задачы, якія трэба будзе вырашыць у бліжэйшыя год-паўтара. Гэта і забеспячэнне функцыянавання адзінай вертыкалі рэарганізаванай структуры, якая будзе займацца пытаннямі дадыпломнай і паслядыпломнай адукацыі. Перад спецыялістамі таксама стаіць задача эфектыўнага ўдасканалення дзейнасці саветаў па абароне дысертацый, павышэння якасці работы інтэрнатуры і ардынатуры і ўзмацнення навуковага патэнцыялу БДМУ (новыя даследаванні, распрацоўкі, дысертацыі і г.д.). Яшчэ адна найважнейшая мэта – развіццё сімуляцыйна-атэстацыйнага цэнтра. Ён мусіць задаваць тон іншым цэнтрам сімуляцыйнага навучання ў краіне.

Як падкрэсліла першы намеснік міністра аховы здароўя, Беларускі дзяржаўны медыцынскі ўніверсітэт павінен стаць арыенцірам у падрыхтоўцы будучых урачоў, павышэнні кваліфікацыі і перападрыхтоўцы дыпламаваных медыцынскіх кадраў, апорай для сicтэмы практычнай аховы здароўя.

Алена Краткова пажадала калектыву ўстановы адукацыі поспехаў у пачынаннях, а яшчэ цікавых ініцыятыў, ідэй, якія будзе падтрымліваць Міністэрства аховы здароўя Беларусі.

Прэсс-служба Міністэрства аховы здароўя Беларусі