Нагадаем, што менавіта восенню 2021 года ў свеце была зарэгістраваная самая жорсткая хваля ковіда – штам Дэльта, якая суправаджалася высокай частатой захворвання цяжкімі формамі Covid-19 у цяжарных, чаго раней не было.

Выпадак Юлі запомніцца надоўга і хутчэй за ўсё, увойдзе ў гістарычную медыцынскую хроніку. «У МНПЦ маладая маці паступіла пасля экстранага кесарава сячэння, з цяжкім цягам COVID-19, з пашкоджанымі лёгкімі на ШВЛ. У яе развілося множнае пашкоджанне і іншых органаў, тое, што ў рэанімацыйнай практыцы называецца паліорганнай недастатковасцю. Жанчына працяглы час правяла на ШВЛ, практычна 3 тыдні яе імунная сістэма была задушана, можна сказаць, не функцыянавала. Намі была ўжыта штодзённая шматразовая пераацэнка стану хворай, карэкцыя дыягностыкі лячэння, выкарыстанне новых тэхналогій інтэнсіўнай тэрапіі», – распавёў Аляксандр Дзядзько.

«Варта таксама адзначыць неверагодную жыццеўстойлівасць і мужнасць самой Юлі. Разам мы дасягнулі таго, што пацыентка аднавілася, вернутая да нармальнага жыцця, можа хадзіць і сёння выпісваецца дадому. У нас няма сумневаў, што яна паправіцца. Гэта вялікая перамога для беларускай медыцыны ў цэлым. Гэта быў выклік, і мы з ім справіліся», – падкрэсліў Аляксандр Дзядзько.

Адзначым, што ў 2021 годзе ў МНПЦ хірургіі, транспланталогіі і гематалогіі выратавалі 17 акушэрскіх пацыентак.

Прэс-служба Міністэрства аховы здароўя