Тэма майстар-класа дастаткова ўнікальная – вітраарэцінальнае хірургічнае ўмяшанне па аўтатрансплантацыі комплексу «пігментны эпітэлій-сасудзістая». Дадзеная аперацыя была праведзеная грамадзянцы Рэспублікі Беларусь, якая мае дыягназ «узроставая макуладыстрафiя абодвух вачэй, рубцовая стадыя. Пачатковая катаракта правага вока. Артыфакія левага вока».

Падобныя хірургічныя аперацыі да гэтага часу ў нашай краіне не выконваліся. Досвед выканання дадзенага ўнікальнага хірургічнага ўмяшання маецца ў ФГАУ НМЦІ МНТК «Мікрахірургіі вока імя акадэміка С.М. Фёдарава».

Як адзначыла галоўны пазаштатны афтальмолаг Міністэрства аховы здароўя Беларусі, загадчык кафедры афтальмалогіі, кіраўнік Рэспубліканскага цэнтра «Мікрахірургія вока», д.м.н., прафесар Таццяна Імшанецкая, Сяргей Сасноўскі – таленавіты хірург, які выканаў больш за 7000 интраокулярных умяшанняў высокай ступені складанасці. Ен валодае методыкамі унікальных вітраарэцінальных аперацый па аўтатрансплантацыі комплексу «пігментны эпітэлій-сасудзістая» пры цяжкіх формах макулярнай дэгенерацыі. Сяргей Сасноўскі выканаў дзясяткі падобных аперацый. Асістэнтам расійскага спецыяліста на першай аперацыі выступіла дацэнт, к.м.н. Вольга Ярмак, на другой – прафесар, д.м.н. Таццяна Імшанецкая.

Прэс-служба Міністэрства аховы здароўя
Фота прадастаўлена кафедры афтальмалогіі Інстытута павышэння кваліфікацыі і перападрыхтоўкі кадраў аховы здароўя БДМУ