З 15 лютага 2022 года ў Рэспубліцы Беларусь уводзіцца новы фармат сертыфіката аб вакцынацыі з размяшчэннем у ім QR-кода для мабільнага дадатку «Падарожнічаю без COVID-19». Таксама з'явіцца адзіная аўтаматызаваная інфармацыйная сістэма ўліку асоб, вакцынаваных супраць COVID-19.

Важна: сертыфікат «старога ўзору» будзе лічыцца сапраўдным да даты паказанай на ім. Фарміраванне сертыфіката «новага ўзору» будзе ажыццяўляцца па жаданні грамадзян, а ўнясенне звестак інфармацыйную сістэму стане абавязковым. З мэтай мінімізацыі адміністрацыйнай нагрузкі на работнікаў аховы здароўя прадугледжана ўнясенне інфармацыі з выкарыстаннем медыцынскай інфармацыйнай сістэмы арганізацыі аховы здароўя. У выпадку адсутнасці ў арганізацыі аховы здароўя медыцынскай інфармацыйнай сістэмы прадугледжана ўнясенне інфармацыі з выкарыстаннем партала інфармацыйнай сістэмы.

На час тэставай эксплуатацыі інфармацыйнай сістэмы будзе арганізавана абмежаваная пілотная зона, а сертыфікаты будуць выдавацца бясплатна. Плануецца, што да 1 красавіка 2022 г. інфармацыйная сістэма запрацуе па ўсёй краіне.

Поўны рэестр арганізацый аховы здароўя, падключаных да інфармацыйнай сістэмы і якія дазваляюць фармаваць QR-код па міжнародных стандартах размешчаны на сайце Міністэрства аховы здароўя ў рубрыцы Актуальная информация по предупреждению инфекции COVID-19.

Таксама па жаданні грамадзян, магчыма будзе перааформіць сертыфікат «старога ўзору» на сертыфікат «новага ўзору» на бязвыплатнай аснове.

Нагадаем, што на тэрыторыі Рэспублікі Беларусь прад'яўленне так званых COVID-пашпартоў не патрабуецца. Разам з тым, з улікам заканадаўства замежных дзяржаў, QR-коды са зместам звестак аб завершанай вакцынацыі сталі абавязковым патрабаванні для бяспечнага падарожжа і наведвання грамадскіх месцаў ва ўмовы пандэміі COVID-19.

Ствараемая інфармацыйная сістэма дазволіць жыхарам Рэспублікі Беларусь здзяйсняць падарожжы і дзелавыя паездкі з унясеннем інфармацыі аб вакцынацыі ў мабільны дадатак «Падарожнічаю без COVID-19».

«Падарожнічаю без COVID-19» – праект Фонду лічбавых ініцыятыў Еўразійскага банка развіцця (ФЦІ ЕАБР). Задача прыкладання – забяспечыць свабоднае і бяспечнае перамяшчэнне грамадзян паміж краінамі ва ўмовах пандэміі каранавіруснай інфекцыі. Цяпер прыкладанне выкарыстоўваецца на тэрыторыі Еўразійскага эканамічнага саюза, а таксама Таджыкістана, Узбекістана, Азербайджана, Малдовы.

З загадам Міністэрства аховы здароўя Рэспублікі Беларусь ад 8 лютага 2022 г. № 155 «Аб парадку ўнясення звестак у адзіную аўтаматызаваную інфармацыйную сістэму ўліку асоб, вакцынаваных супраць COVID-19» можна азнаёміцца ў раздзеле Для спецыялістаў/Нарматыўная прававая база/База НПА