У Брэсцкай абласной клінічнай бальніцы дадзены старт выязным пасяджэнням Беларускай асацыяцыі уролагаў

28-29 верасня на базе ўстановы аховы здароўя «Брэсцкая абласная клінічная бальніца» ў гібрыдным фармаце (у анлайн- і афлайн фармаце) праходзіць навукова-практычная школа-семінар «Лапараскапічная і малаінвазіўная уралогія. Інавацыі і тэндэнцыі з пункту гледжання практычнага прымянення». Выязное мерапрыемства праводзяць спецыялісты Беларускай асацыяцыі уролагаў.

003_1695894226 (2).jpg

Праграма школы-семінара – сучасныя тэндэнцыi і інавацыйныя падыходы у дыягностыцы і лячэнні пацыентаў з уралагічнай паталогіяй. Удзельнікі школы-семінара атрымаюць магчымасць абмяняцца практычным вопытам прымянення інавацыйных метадаў дыягностыкі і лячэння. Майстар-класы па выкананні лапараскапічных уралагічных аперацый правядуць прафесар кафедры уралогіі БелМАПА, д.м.н. Дзмітрый Ніткін і загадчык аддзялення уралогіі Мінскай абласной клінічнай бальніцы, к.м.н. Павел Мілашэўскі.

002_1695894226 (1).jpg

Актыўнае ўкараненне высокатэхналагічных і складаных метадаў дыягностыкі і лячэння пацыентаў з уралагічнай паталогіяй паляпшае рэабілітацыйны патэнцыял такіх пацыентаў, павышае якасць іх жыцця, павышае рэпрадуктыўныя магчымасці і тым самым станоўча ўплывае на дэмаграфічную сітуацыю.

Прэс-служба Міністэрства аховы здароўя

28.09.2023

1592