Таксама падчас візіту на Кубу паміж Цэнтрам экспертыз і выпрабаванняў у ахове здароўя і Цэнтрам дзяржаўнага кантролю медыкаментаў, абсталявання і медыцынскіх прыбораў Рэспублікі Куба (CECMED) падпісана «Пагадненне аб правядзенні міжлабараторных параўнанняў». Выкананне гэтага дакумента будзе садзейнічаць павышэнню ўзроўню даверу паміж выпрабавальнымі лабараторыямі Беларусі і Кубы, павышэнню кваліфікацыі спецыялістаў у галіне лабараторных даследаванняў, садзейнічаць гарманізацыі патрабаванняў да кантролю якасці лекавых сродкаў і, як вынік, павысіць эфектыўнасць і бяспеку лекавых сродкаў для пацыентаў нашых краін.

Нагадаем, што на Кубе з афіцыйным візітам зараз знаходзіцца дэлегацыя прадстаўнікоў сістэмы аховы здароўя Беларусі. У дэлегацыю ўвайшлі прадстаўнікі Цэнтра экспертыз і выпрабаванняў у ахове здароўя, Беларускай медыцынскай акадэміі паслядыпломнай адукацыі, кіруючай кампаніі холдынгу «Белфармпрам».