У праграме візіту беларускай дэлегацыі – перагаворы з прадстаўнікамі вытворцаў фармацэўтычнай і медыцынскай прадукцыі (Mehrpooyan Behdasht Co., Iran Dialysis Consortium, Teb Darya Co., Kara Teb Co., Asre Sanat Atbeen Co., Pooyandegan Pardis, Mehr Asl Co., Pars, Ronak Pharm, Rozhin Pharm, Alborz Daru).

Плануецца, што пройдзе сустрэча дэлегацыі ў Міністэрстве аховы здароўя і медыцынскай адукацыі Ірана. На мерапрыемстве будуць абмеркаваны пытанні ўзаемадзеяння ў галіне рэгістрацыі і закупак лекавых сродкаў, медыцынскіх вырабаў, прапрацоўка ініцыятывы па стварэнню сумесных вытворчасцей па выпуску тазасцегнавых і каленных пратэзаў, абсталявання для гемадыялізу, а таксама лекавых сродкаў.

Па выніках першых дзён візіту паміж РУП «Цэнтр экспертыз і выпрабаванняў у ахове здароўя» і кансорцыумам ICD Group, у які ўваходзяць 8 вытворцаў медыцынскай прадукцыі (Pharmamed, Novatis, Medicina Serum, Smart, MedWay, Nixomed, United Sky Vector, Nova Pharmed), падпісаны мемарандум аб узаемадзеянні. У цырымоніі падпісання прынялі ўдзел: ад беларускага боку дырэктар Дзмітрый Грынько, ад іранскага – Рамбод Хаджыпур (Dr. Rambod Hajipour). Дакументам прадугледжана развіццё супрацоўніцтва ў сферы фармацэўтыкі, рэгістрацыі, паставак медыцынскіх вырабаў і лекавых сродкаў. Мэта дакумента – удасканаленне забеспячэння грамадзян дзвюх краін якаснай, эфектыўнай і бяспечнай медыцынскай прадукцыяй.

У склад дэлегацыі ўвайшлі: дырэктар РУП «Цэнтр экспертыз і выпрабаванняў у ахове здароўя» Дзмітрый Грынько, прадстаўнікі РУП «ЦЭВАЗ» Аляксандр Мікушкін і Кірыл Радзевіч, генеральны дырэктар РУП «Белфармацыя» Сяргей Літаш, намеснік генеральнага дырэктара РУП «Белмедпрэпараты» Сяргей Марчанка і галоўны інжынер РУП «Медтэхнацэнтр» Сяргей Кравец.

Прэс-служба Міністэрства аховы здароўя