Вітаючы студэнтаў, міністр асабліва адзначыў іх ролю і дапамогу старэйшым калегам у «чырвоных зонах». Паводле слоў Дзмітрыя Піневіча, «мы з вамі працуем два гады ва ўмовах пандэміі, многія з вас у ходзе вучобы працавалі ў чырвоных зонах – атрымалі не толькі тэарэтычны, але і практычны вопыт. Гэта ў вашай прафесійнай дзейнасці будзе добрым дапаўненнем».

Дзмітрый Піневіч распавёў студэнтам аб тым, як урачы ў розных абласцях краіны змагаюцца з пандэмій. У прыватнасці, ён удакладніў, што штам Дэльта па клінічнай карціне зусім адрозніваецца ад папярэдніх. «А новы штам – Амікрон, які ўжо выяўлены ў многіх краінах, закране, я думаю, мацней дзіцячае насельніцтва. Таму вакцынацыя дзяцей і падлеткаў будзе стаяць жорстка», – сказаў міністр.

Кіраўнік ведамства таксама распавёў студэнтам, што «сёлета ўзровень заробкаў разам з «кавіднымі» даплатамі склаў 150% ад сярэдняга заробку па краіне. «Прэзідэнт паставіў нам задачу – забяспечыць гэты ж узровень заробкаў і пасля пандэміі. Цяпер мы прапрацоўваем крыніцы фінансавання для гэтага. Зарплаты персаналу павінны застацца на ўзроўні гэтага года і да 2025-га павялічыцца яшчэ», – сказаў міністр.

На сустрэчы са студэнтамі і інтэрнамі, Дзмітрый Піневіч закрануў яшчэ адну важную тэму – забяспечанасць жыллём. «Цяпер мы, сумесна з усімі зацікаўленымі, прапрацоўваем пытанне арэнднага жылля і плануем унесці прапановы кіраўніцтву краіны з новым парадкам прадастаўлення арэнднага жылля для медработнікаў», – расказаў ён.

Яшчэ адна тэма, якая актыўна абмяркоўваецца ў медыцынскім асяроддзі, і цікавіла студэнтаў – рэзідэнтура. Міністр сказаў, што «ў першым квартале наступнага года пытанне павінна быць вырашана канчаткова на нарадзе ў Кіраўніка дзяржавы. Для пачатку там плануецца ўключыць 27 спецыяльнасцей (вочна-завочны курс на 2-3 гады). У будучым жа, меркавалася, што рэзідэнтура будзе па усім спецыяльнасцям», – сказаў кіраўнік ведамства.

Прэс-служба Міністэрства аховы здароўя