У выязной нарадзе прынялі ўдзел міністр аховы здароўя Дзмітрый Піневіч, намеснік міністра Барыс Андрасюк, дырэктар РНПЦ «Кардыялогія», доктар меднавук, прафесар Наталля Міцькоўская, прадстаўнікі ўсіх зацікаўленых арганізацый – будаўнічых, пастаўшчыкоў і г.д.

Завяршэнне будаўніцтва новага корпуса РНПЦ «Кардыялогія» і здача аб'екта ў эксплуатацыю павінны адбыцца ў канцы 2022 года.

Цяпер у новым корпусе, а яго прызначэнне – гібрыдная кардыяхірургія, абсталююць аперацыйныя. Умовы ў іх дазволяць хірургам больш эфектыўна працаваць, а пацыентам – лепш аднаўляцца пасля аперацый. У новых метрах размесціцца рэанімацыйнае аддзяленне на 12 ложкаў. Акрамя таго, у корпусе плануецца размясціць – аддзяленне інтэнсіўнай тэрапіі і рэанімацыі для пацыентаў кардыяхірургічнага профілю, а таксама навуковыя лабараторыі цэнтра. Плануецца ўкараніць і магчымасці сучасных інфармацыйных тэхналогій – аснасціць рэанімацыйныя блокі пастаянным відэаманіторынгам стану пацыента, арганізаваць анлайн-пасты дзяжурных урачоў, а таксама сістэму тэлекансультацый і відэасувязі.

Дзмітрый Піневіч даў даручэнне за кароткі тэрмін завяршыць фінансаванне аб'екта і да кастрычніка завяршыць пастаўку высокатэхналагічнага абсталявання для новага корпуса.

Прэс-служба Міністэрства аховы здароўя