Урачыстая цырымонія падпісання дакументаў аб перадачы 500 тыс. доз вакцыны Sinopharm адбылася 6 верасня ў Міністэрстве аховы здароўя. Подпісы пад дакументамі паставілі міністр аховы здароўя Дзмітрый Піневіч і Надзвычайны і Паўнамоцны Пасол Кітайскай Народнай Рэспублікі ў Рэспубліцы Беларусь Се Сяоюн. Нагадаем, што ўчора раніцай у нашу краіну прыляцеў борт з Пекіна: у ім знаходзілася 1,5 мільёна доз вакцыны Sinopharm супраць кавіда. Беларусь атрымала 500 тыс. доз вакцыны ў якасці бязвыплатнай дапамогі, а яшчэ 1 млн. доз быў закуплены – па кантракце. Па словах міністра, кітайская вакцына паступіць у рэгіёны ўжо праз 2-3 дня.

Дзмітрый Піневіч падкрэсліў глыбіню супрацоўніцтва дзвюх краін і нагадаў, што з моманту пачатку пандэміі Беларусь стала першай краінай, якая адправіла гуманітарны груз у Кітай для дапамогі ў барацьбе з пандэмій. «Першы груз быў адпраўлены 30 студзеня а другі – 6 лютага. А калі ўжо мы сутыкнуліся з пандэмій, КНР таксама аказала нам дапамогу. Мы супрацоўнічаем з 20-ю правінцыямі Кітая, вопыт гэтай краіны шырока выкарыстаны ў айчыннай практыцы. Наша краіна ўжо атрымлівала за 400 000 доз вакцыны ў якасці бязвыплатнай дапамогі», – распавёў Дзмітрый Піневіч.

Па словах Надзвычайнага і Паўнамоцнага Пасла Кітайскай Народнай Рэспублікі ў Рэспубліцы Беларусь Се Сяоюна, «гэта трэцяя партыя вакцыны – канкрэтны крок па рэалізацыі дамоўленасцей паміж кіраўнікамі дзвюх краін. І дэманструе высокі ўзровень адносін паміж нашымі дзяржавамі, глыбокае сяброўства паміж народамі. З пачатку ўспышкі COVID-19, наша супрацоўніцтва ідзе змястоўна, плённа і цесна».

Сёе Сяоюн адзначыў, што «ў Кітайска-Беларускім індустрыяльным парку «Вялікі камень» цяпер працуе прадпрыемства, якое плануе вырабляць эфектыўныя прэпараты кітайскай традыцыйнай медыцыны. Там вядзецца праект па распрацоўцы сродкаў для эфектыўнага лячэння каронавiруса. Хутка пачнуцца клінічныя выпрабаванні».

Па словах галоўнага ўрача Рэспубліканскага цэнтра арганізацыі медрэагавання Міністэрства аховы здароўя Дзмітрыя Альховіка, «борт з кітайскай вакцынай прызямліўся ў Беларусi на 12 гадзін паздней запланаванага часу. Галоўнае, што хадавы ланцуг не быў парушаны, так як вакцына захоўваецца ў спецыяльнай упакоўцы. Скрыні таксама абсталяваны пакрыццём і на іх ёсць тэмпературныя датчыкі. Зараз вакцына знаходзіцца на складах і праходзіць кантроль якасці».