Усяго на прыём запісаліся 28 чалавек. Асноўныя пытанні – нязгода з выстаўленым дыягназам, метадамі аказання меддапамогі, няякаснае лячэнне сваякоў, пытанні, якія ўзніклі пасля правядзення прафесарскіх кансультацый.

Аляксандр Хаджаеў адзначыў, што «на жаль, асноўная частка зваротаў датычыцца не проста вырашэння нейкага канкрэтнага пытання, а скаргі на тое, што чалавека не пачулі, не патлумачылі, не далі дакладнага разумення далейшай лагістыкі вырашэння сітуацыі. Усе звароты будуць разгледжаны ў рамках закона і ўсім наведвальнікам будуць дадзены тлумачэнні па кожнай узнятай імі праблеме».

На прыём сёння прыйшлі некалькі медыцынскіх спецыялістаў з пытаннямі па працоўных спрэчках. Са сваімі праблемамі звярнуліся да профільнага міністра і некалькі маладых спецыялістаў медыкаў – пытанні датычыліся магчымасці атрымання пераразмеркавання ў сувязі са змененымі ўмовамі жыцця.

За час прыёму разгледжаны, у тым ліку і пытанні, якія датычацца метадаў аказання меддапамогі дзецям у якіх дыягнаставаны складаныя генетычныя захворванні. На сустрэчы было адзначана, што медыцына ступіла далёка наперад і дае магчымасць людзям з генетычнымі захворваннямі працягваць жыццё ў дарослым узросце, але гэта азначае, што сістэма аховы здароўя павінна быць гатова да арганізацыі дапамогі такім пацыентам. Так, прадстаўнікі грамадскага аб'яднання «Геном» прыйшлі да Аляксандра Хаджаева з прапановай па стварэнні на базе РНПЦ неўралогіі і нейрахірургіі рэспубліканскага цэнтра па спадчынных нервова-цягліцавых захворваннях дарослых.

Прэс-служба Міністэрства аховы здароўя