У 3-й гарадской дзіцячай бальніцы Аляксандр Хаджаеў паразмаўляў з медработнікамі, ацаніў стан матэрыяльна-тэхнiчнае забеспячэнне аддзяленняў. Ён пабываў у педыятрычным аддзяленні №4, пагутарыў з бацькамі маленькіх пацыентаў – тут праходзяць рэабілітацыю дзеці ва ўзросце ад 0 да 6 месяцаў.

Міністр таксама наведаў педыятрычнае аддзяленне № 5. Гэта баксіраванае аддзяленне для неданошаных і нованароджаных малышоў.

Наведаў Аляксандр Хаджаеў і педыятрычнае аддзяленне №6 (для інфекцыйных пацыентаў) і клініка-дыягнастычную лабараторыю.

Асаблівая ўвага пры наведванні была ўдзелена абмеркаванню пытанняў са спецыялістамі 2-й кафедры дзіцячых хвароб БДМУ, размешчанай ва ўстанове. Аляксандр Валер'евіч адзначыў, што ва ўстанове створаны ўмовы для плённай работы i пастаяннага павышэння сваёй кваліфікацыі спецыялiстаў.

Улічваючы ўмовы надвор'я, кіраўнік галіны паставіў задачу спецыялістам – яшчэ раз правесці агляд памяшканняў і наладзіць тэрмарэгуляцыю ў палатах, забяспечыць даступнасць прахалоднай пітной вады.

Улічваючы пажаданнi маленькіх пацыентаў, была звернута ўвага на арганізацыю вольнага часу дзяцей і падлеткаў, якія знаходзяцца на лячэнні, у тым ліку на прапрацоўку пытання па арганізацыі доступу да сеткі Інтэрнет па тэхналогіі Wi-Fi.

У 4-й дзіцячай бальніцы міністр наведаў педыятрычнае аддзяленне № 2 для алергалагічных пацыентаў, педыятрычнае аддзяленне № 3 (інфекцыйнае), для дзяцей ранняга ўзросту і оперблок.

У рамках візіту Аляксандр Хаджаеў пагутарыў са студэнтамі 5 курса БДМУ і ГрДМУ. Дзеці зараз праходзяць практыку ў гэтай установе. Узнімаліся пытанні па змяненні ўмоў знаходжання пацыентаў, супрацоўнікаў кафедр і паляпшэнню матэрыяльна-тэхнічнай базы бальніцы.

Па выніках наведвання дзвюх бальніц старшыні Камітэта па ахове здароўя Мінгарвыканкама Ігару Юркевічу пастаўлены задачы:

• падрыхтаваць аналітычную дакладную запіску па пытаннях рацыянальнага выкарыстання стацыянарнага фонду для дзяцей сталіцы,

• прадставіць прапановы па змене структуры педыятрычнай службы горада,

• з улікам сучаснага развіцця педыятрычнай вертыкалі сталіцы – прадставіць новыя варыянты стымулявання аплаты працы медыкаў.

Прэс-служба Міністэрства аховы здароўя