Пасля падпісання пагаднення міністр аховы здароўя Дзмітрый Піневіч нагадаў аб задачы, пастаўленай Кіраўніком дзяржавы, згодна з якой «неабходна дайсці да малых гарадоў з тымі ж відамі якасных паслуг, якія аказваюцца ў буйных гарадах. Мы вызначылі тыя ключавыя гарады, дзе ўжо ёсць спецыялісты, якія падрыхтаваныя і якім трэба проста падставіць плячо», – растлумачыў Дзмітрый Піневіч. Ён заўважыў, што ў будучым такія праекты таксама будуць рэалізоўвацца. Мэта адна – паляпшэнне якасці і павышэнне даступнасці аказання медыцынскай дапамогі ў арганізацыях аховы здароўя населеных пунктаў з колькасцю да 50 тыс. чалавек.

«Бізнес павінен развіваць практыку адказнага інвеставання, укладваючы свае рэсурсы, у тым ліку ў сацыяльную сферу. Гэта будзе садзейнічаць устойліваму развіццю грамадства ў цэлым. Белінвестбанк з году ў год імкнецца пашыраць супрацоўніцтва з арганізацыямі аховы здароўя, умацоўваючы іх матэрыяльна-тэхнічную базу», – адзначыў Старшыня праўлення Алег Казарэдаў.

ВАЖНА: мэта праекта «Здароўе ў кожны рэгіён» – удасканаленне аказання медыцынскай дапамогі ў арганізацыях аховы здароўя населеных пунктаў з колькасцю да 50 тыс. чалавек. У рамках праекта прадугледжваецца аснашчэнне 6-ці бальніц высокатэхналагічным медыцынскім абсталяваннем для выканання эндаскапічных медыцынскіх умяшанняў на верхніх аддзелах стрававальнага тракта. Гэта цэнтральныя раённыя бальніцы Іванава, Лельчыц, Лепеля, Мядзела, Навагрудка і Шклова. Спецыяльнае абсталяванне для іх будзе закуплена і перададзена ў канцы 2023 – пачатку 2024 гадоў. За гэты час спецыялісты арганізацый аховы здароўя, якія ўдзельнічаюць у праекце, пройдуць адпаведную падрыхтоўку для работы на высокатэхналагічным абсталяванні.

Праект «Здароўе ў кожны рэгіён» стаў працягам сацыяльнага праекта «Дышы», які рэалізаваў банк у мінулым годзе. Тады шасці бальніцам краіны былі перададзены апараты штучнай вентыляцыі лёгкіх. У параўнанні з папярэднім праектам аб'ём фінансавання новага павялічаны больш як у 5 разоў.

Садзейнічанне арганізацыям аховы здароўя – адзін з ключавых напрамкаў карпаратыўнай сацыяльнай адказнасці Белінвестбанка. Пачынаючы з 2020 года, банк аказаў арганізацыям аховы здароўя бязвыплатную (спонсарскую) дапамогу на суму Br987 тыс. У 2021-2022 гадах закуплены і бязвыплатна перададзены 10 апаратаў штучнай вентыляцыі лёгкіх, 6 з якіх у рамках праекта «Дышы».