Спецыяліст адзначыў, што спачатку праводзіцца сінтэз паслядоўнасцей, затым падбор параметраў ампліфікацыі, стварэнне кантроляў і камплектаванне набору, які можна прымяняць у розных лабараторыях. «Думаю, дыягностыку пачнем рабіць у нашым цэнтры, ён створаны пад асабліва небяспечныя інфекцыі, у нас ёсць усе магчымасці для гэтага. Па крытэрыі СААЗ воспа малпаў адносіцца да 3-й групы біярыску. Нашы крытэры больш жорсткія, так што ў нас – да 4-й групы. Гэта значыць, трэба працаваць у самых жорсткіх умовах бяспекі», – сказаў Уладзімір Гарбуноў.

Як хутка спрацуе тэст-сістэма? Вынікі дыягностыкі будуць вядомы на працягу некалькіх гадзін пасля паступлення біяматэрыялу. Так было і з ковідам. «Упэўнены, што шырокага прымянення гэтая тэст-сістэма не знойдзе. Бо захворванне не характарызуецца шырокім распаўсюджваннем і не чакаецца, што захварэлыя з'явяцца ў Беларусі ў бліжэйшы час. Будзем спадзявацца, да нас інфекцыя не дойдзе. Але наш цэнтр створаны, каб працаваць на апярэджанне. Мы можам распрацоўваць нават тое, што патрэбна ў адзінкавай колькасці. Камерцыйнай арганізацыі гэтага рабіць няма сэнсу, бо ніякіх дывідэндаў яна не атрымае, бо не прадасць. А мы гэта робім і не чакаем ніякіх прыбыткаў. Мы вырашаем дзяржаўную задачу ў галіне біябяспекі», – сказаў ён.

Закрануў спецыяліст і пытанне вакцынацыі, «вірус малпавай воспы – роднасны вірусу натуральнай воспы. Асобы, якія былі вакцынаваны ад яе, маюць імунітэт. Хто нарадзіўся да 1980-х – у гэтых адносінах шчасліўчык. Але, думаю, Міністэрствам аховы здароўя будуць прыняты меры пры неабходнасці. Вакцына існуе, яе можна пачаць хутка пры неабходнасці».

Прэс-служба Міністэрства аховы здароўя