Запушчаны дзве вытворчыя лініі 114 м даўжынёй і каля 9,5 м вышынёй кожная, створана неабходная інфраструктура. Вытворчая магутнасць – 100 млн пар медыцынскіх пальчатак у год. Асноўны арыенцір – імпартазамяшчэнне і задавальненне патрэбнасці медустаноў.

Аднаразовыя хірургічныя пальчаткі прызначаны для абароны рук медыцынскага персаналу. Пальчаткі маюць анатамічную форму з размяшчэннем вялікага пальца ў напрамку далоні, вырабляюцца стэрыльнымі, неапудранымі, маюць тэкстураваныя ўчасткі ў раёне падушачак пальцаў і ўнутранае палімернае пакрыццё для палягчэння апранання. Для недапушчэння траплення крыніц бактэрыяльнай небяспекі ў арганізм чалавека абшэўка пальчаткі закатаная ў венца.